He marama taimaha rawa atu tērā marama mō te iwi ō Pātea a Ngāti Ruanui i te whakaaetanga o te keringa o te one rinorino i te takutai o Taranaki ki te tonga. He mea whai tata tēnei whakatau i ngā tautohetohe i waenga i te Kāwanatanga, Trans-Tasman Resources, ngā iwi o Taranaki, Greenpeace me te rōpū KASM (Kiwi’s Against Seabed Mining).
“Ka whai hua a Taranaki, a Aotearoa hoki” koia tā Trans Tasman Resources ki a 7 Sharp. Hei tā Hemi Ngarewa (Tangata Whenua) mō te takutai moana, “me manaakitia, me tiakina, me arohaina.” I kōrero hoki a Debbie Ngarewa-Packer ki a 7 Sharp ko te mahi maina “tētahi o ngā mahi nui takahi mana whenua, takahi mana tangata” ā, “me whakatipu i te ao ohaoha, engari me whai mana tōna whakatipuranga.”
Ko te whakapae ka $1.1 Piroana ka kohikohia e te kaupapa nei i ia tau, ka mutu ka neke atu i te 1600 ngā tūranga mahi ka tūwhera huri noa i te motu. Ka kōkiri tonu te kaupapa nei ahakoa te petihana ā Ngāti Ruanui i waitohungia e te neke atu i te 6000 tangata e whakakahorengia ana i te mahi maina whenua i tērā tau, me te pakanga tonu i waenga i ngā iwi ō Taranaki, ngā tāngata o reira me ngā kamupene maina.
(Whakamāori nā Teaonui McKenzie)