I hono te pēne ‘Third3ye’ i te timatanga o te tau 2013. Nō Tāmaki Makaurau rātou. Nā wai, nā wai, i tukuna e rātou ngā ‘EP’ e rua, ko ‘Earth Raps EP’ te tuatahi, ko ‘Anja EP’ te tuarua. I te timatanga o te tau nei, i tuku a ‘Third3ye’ i tā rātou kōpae pūoru tuatahi, ‘On3ness’.
Kāore i pērā rātou i tētahi pene atu i Aotearoa, i te ao anō hoki. Me uaua ka kite i te pēne Hip Hop, e kōrero ana mō ngā kaupapa wairua, ngā kaupapa hinengaro. Ko tō rātou ingoa, he ingoa nō Hinduism. E ai ki Hinduism, nā te karu tuatoru i rongo koe i te ao wairua.
‘Smoking that flower power but I am not a Hippy’.
He kōpae pūoru tino pai te ‘On3ness’. E hia kē ngā whakaaro akiaki, ngā kaupapa e hāpai ana te tangata. Ko tētahi waiata mātua o te kōpae ko te waiata ‘Levitate’. He ranu tēnei o te pūoru nō te tonga ki Amerika, arā, ko te pūoru ‘Trap’, me ngā kōrero-ā-wairua o ‘Third3ye’.
He maha ngā kiriata pūoru o ‘Third3ye’ ki te ipurangi. Titiro ki Youtube ki te kite i a rātou me tā rātou mahi pai. Ka taea te whiwhi i ‘On3ness’ i te ipurangi, nō third3ye.bandcamp.com. Kāore he utu mō te kōpai pūoru nei, he koha noa iho.
Third3ye.bandcamp.com
Facebook.com/third3yemusic
Youtube.com/third3yemusic