I tētehi rā, ka mānu te Tūtae i roto i te manga. Ka kitea atu e te Tuna, kātahi ka pātai atu ia. “E haere ana koe ki hea, e Tūtae?”
Ka whakahokia e te Tūtae. “Ka ahu atu au ki te moana.”
“Tēnā pea, ka whakataetae tāua kia kaukau ai ki te moana?” Nā te Tuna tēnei wero.
Ka whakaae te Tūtae, ā, ka tīmata te whakataetae. E kau teretere ana te Tuna, ka peka atu, ka peka mai i te tī me te tā. Engari, kei te haere pōturi te Tūtae.
Kāore e roa ka tinihanga te Tuna i te haere a te Tutae. “Tō hamuti e Tūtae, tino pūhoi koe! Nā te ngata koe? Ē, he tutae noa iho koe! Ko au te toa ki te kaukau!”
E haere hihiko ana te Tuna i tētehi piko a te manga. Aue, ka hopukina te Tuna e tētehi hīnaki, kāore e taea te puta atu.
Ka mānu pōturi te Tūtae i te piko o te manga. Ka kitea e te Tuna, ka karangahia.
“E hoa, e hoa, awhina mai.” Tā te mea he tino hoa inaianei. Ko te whakahoki o te Tūtae kia pēnei,”
“Kāore e taea e hoa, engari, kaua e awangawanga e Tuna, hei apōpō ka orite koe ki a au!”