Ko Te Rangimarie Williams te Kaiuiui
Ko te Tohu Māoritanga he tohu hei whakakaha i ngā pūkenga o ngā tāngata kia whai wāhi ki roto i te Whare Wānanga. Nā Te Kawa ā Māui te kaiwhakahaere o tēnei pepa. E whā ngā wāhanga o te Tohu nei, ko te Reo Māori, te Tikanga Māori, te Iwi Māori me te Whakakokoi Mātauranga. Ko Jazmin Elkington tētahi o ngā tauira kua whiwhi i te Tohu Māoritanga nō Ngāti Koata, ā, 23 ōna pakeke.
He aha koe i whiwhi ai te tohu Māoritanga?
I whiwhi ai au i te Tohu Mātauranga Māori nō te mea kua whakatakotoria ngā tūranga o te iwi Māori hei korounga ki te whakapakari i ō koutou nei iwi, reo me āna tikanga Māori hoki.
He aha ngā mea pai o te tohu Māoritanga?
He pai te katoa o ngā wāhanga o te tohu nei, i te mea i roto i ia wāhanga o te Tohu he maru i ngā tikanga e pā ana ki ngā pepa. Ko ngā mea pai ki a au, ko ngā wāhanga i whakapakari ai te reo Māori, e pau ai i ngā waiata o uki, kia mārama ai te tangata ki ngā tikanga i roto i ēnei kōrero kua waiho mai e rātou mā. Ahakoa iti te kupu he nui te mātauranga onamata ki waenganui i ngā mea Māori.
He pai te tohu Māoritanga ki a wai?
He pai te Tohu Mātauranga Māori mō ngā tangata katoa o te ao, ahakoa Māori mai Pākehā mai. He pai tēnei tohu mō ngā iwi kua pīrangi ai ki te ako i ngā mea o te ao Māori hei whiwhi i te ngākau mōhio hoki i ērā mea tiketike ki a tātou nei ao.
Anō hoki he māmā koe. Pēhea tō whāinga i ngā mahi?
He pai i te timatanga o ngā tau ki muri, nōnahea i timata au i kōnei ki te whare wānanga. He tino uaua te mahi, nā te mea kāore au i te tino mōhio me pēhea te whakatakotoranga o ngā mahi o te whare wānanga, ā, me ngā mahi hiki o te whānau. Nō te tau 2007 ka whakatakoto māua ko tōku hoa rangatira ngā ara whāinga hei tautoko ia i ngā mahi o te whare wānanga me ngā mahi whānau hoki. Nō reira kua tutuki pai māua i ngā mahi rua nei mō tā māua oranga pai mō ngā rā kei te heke mai.