I ahu mai Te Matatini o Te Rā i te tau 1972. I puawai tēnei whakataetae kapa haka hei poipoi, hei whakarangatira, hei whakatinana i to tātou iwi Māori me ngā taonga tuku iho. Ko te kapa haka he momo toi whakaari ka noho tata ki tō tātou ngākau. Mai rā ano i raranga i ngā pakiwaitara, ā, i ngā kōrero, i ngā pukenga o tēra hapu, o tēra iwi i roto i te kapa haka. Ko tēnei mea te kapa haka he momo mahi-ā-tinana, ā, he momo mahi-ā-wairua.
Ia rua tau ka tū ngā whakataetae ki tēnei iwi, ki tēra iwi o te motu. I tēnei tau i tū ngā whakataetae kapa haka o Te Matatini ki Ōtautahi, Te Waipounamu. Kāore e kore i whakamana te iwi i a rātou anō mai i te ekenga mai o ngā tira o te motu tae noa ki te whakamutunga.
Parekapreka ana ki te kite i ngā tamariki, i ngā kaumatua, i ngā whanau i huihui mai ki te tautoko i ngā rōpū kapa haka. Kāore he kupu hei whakamarama i te wairua o te hunga matakimaki, ka eke te rōpū ki runga i te atamira, kua tau te mauri.
Katahi rā i tu maia, i tu rangatira ngā kaihaka katoa. I kitea e te tangata i te ihi, te wehi me te wana i runga i te ātamira. Ka whātero ngā arero ki a Ranginui, ka pukanakana ki to tātou whaea a Papatuanuku. Ka kaha te mauri o ngā kaihaka i runga i te ātamira i maringi ngā roimata o Ranginui mo ngā rā e rua.
Rā tuatahi:
Te Kapa Haka o Kairanga (Rangitane), Ngāti Rangiwewehi (Te Arawa), Te Pao a Tahu (Waitaha), Te Waka Huia (Tamaki Makaurau), Te Ahikōmau a Hamoterangi (Waitaha), Te Pikikōtuku o Rongomai (Te Arawa), Hātea Kapa Haka (Te Taitokerau), Manawa Mai Tāwhiti (Te Whenua Moemoea), Ngā Uri ō Tamarau (Te Whanganui-a-tara), Pareārau (Ngāti Kahungunu), Ōpotiki Mai Tāwhiti (Mataatua), Muriwhenua (Te Taitokerau), Te Aitanga a Hauiti ki Uawa (Te Tairawhiti), Te Raranga Whānui (Te Whenua Moemoea, Te Po- o-Mangatawhiri (Tainui)
Rā tuarua:
Ngāti Kahungunu ki Heretaunga (Ngāti Kahungunu), Ngā Uri o Whanoa (Te Arawa), Hokianga (Te Taitokerau), Te Reanga Morehu o Ratana (Aotea), Te Matārae i Ōrehu (Te Arawa), Tūtara Kauika ki Rangitaua (Mataatua), Tū Te Manawa Maurea (Te Tairāwhiti), Te Whatakura (Te Tau Ihu o Te Waka a Maui), Ngā Purapura o Te Taihauāuru (Aotea), Tūranga Ake (Te Whenua Moemoea), Kataore (Te Arawa), Te Kapa Haka o Whāngārā Mai Tawhiti (Te Tairāwhiti), Te Matapihi ( Aotea), Te Rōpu Manutaki ( Tamaki Makaurau), Ngā Tumanako (Tamaki Makaurau).
Rā tuatoru:
Tuutuu Kaa’Ika (Aotea), Te Iti Kahurangi (Tainui), Te Kapa Haka o Ngāti Rangitane (Ngāti Kahungunu), Ngā Taonga Mai Tawhti (Te Whanganui-ā-tara), Te Kapa Haka o Te Whanau-ā-Apanui (Mataatua), Tū Te Maungaroa (Te Whanganui-ā-tara), Ngā Manu a Tāne (Waitaha), Te Tū Mataora (Rangitane), Ngā Pou o Roto (Tainui), Te Rerenga Kōtuku (Ngāti Kahungunu), Tūhourangi-Ngāti Wahiao (Te Arawa), Te Puu Ao (Te Tai Tokerau), Mōtai Tangata Rau (Tainui), Waihirere (Te Tairāwhiti)
Kāti rā me whakanuia e tātou i ngā tauira, i ngā kāhui ākonga onamata i tū ake i runga i te atamira o te Matatini. I tū rātou hei manutaiko mo a rātou ake iwi, hei manu tīoriori mo ā rātou ake whānau. Ko rātou mā e koekoe, e ketekete, e kuku ana. Na rātou i kawe i ngā puhi raukura ki ngā tatahi o Te Waipounamu,hei reo mo ā rātou ake iwi,hei reo mo Te Whare Wananga o Wikitoria. He mihi matakuikui ki a kōutou i tuia i te korowai ka uhia i ngā pakahiwi o ō tātou matua tipuna. Ka noho kōutou hei pou, hei tauira mo ngā pia ka eke ki runga i te mata o Te Whare Wananga o Wikitoria.