HE HUI tēnei mō ngā tauira e whai ana i te matauranga ki ngā whare wānanga, ki ngā kuratini, ki ngā whare mātauranga hoki huri noa i te motu. Mā tātou e kōrero mō ngā take hirahira i te wā nei, me ngā take kei te haere mai. E noho ana ngā tauira Māori katoa o te motu i raro i te maru o Te Mana Ākonga. Ko Veronica Tawhai tō tātou māngai ki ro paremata, ki runga i te pouaka whakaata, ā, i roto hoki i ngā hui e pā ana ki te hauora o ngai tauira Māori.. Ko Te Mana Ākonga te rōpū anake e kōkiri i ngā take Māori ki mua hei kaupapa kōrero.
Ka tū te hui nei ia tau. I te mutunga o ia huinga tauira, ka tono tētahi rōpū ki te tū hei kaihautū, hei manaaki i ngā manuhiri mō te tau kei te heke mai.
Ko ngā kaihautū i tēnei tau, Ko Ngai Tauira (ki Te Whare Wānanga o te Ūpoko o te Ika a Māui), me te rōpū e kii ana ko WSA, me kii, ko te rōpū Tauira o te Awakairangi.
Te tino kaupapa o tēnei o ngā huinga, he whakawhanaungatanga, kaa mutu ka taea e mātou te pohewa ake te maha o ngā huarahi ka āhei mātou ki te whai atu, whaia ai te pae tāwhiti kia tata, ā nā mātou i āta whakatakoto he tikanga ki te kōkiri ki te whakamaua i te pae tata kia tīna! He wāhi tēnei mō te whakawhiti o ngā kōrero o nāianei e hira ana ki Ngai Taua me ia rōpū tauira. He wāhanga-a-rohe tōna, ā, he wāhanga-a-motu tōna.
He tūāpapa tēnei mō ngā rangatira o apōpō e nanaiore atu ana ki te piki ake ki te ara tukutuku o Poutama kia eke ai ki te keokeonga o tōu ake maunga whakahī inā ko te tihi o te mātauranga. Ka āhei tātou ki te kite i ngā hua i tūmanakotia tēnei o ngā huinga, arā ko te mātauranga me te māramatanga, ko te whakawhanaungatanga, me te taha tikanga. He pou tēnei mō ngā tauira e whakangungua ana ki te rākau maataranga kia ngata ai to taatau hiakai ki ēnei hua, mō ngā tau kei te haere mai. He mea tino hirahira tēnei hui nā te mea kei te karo tonu mātou i ngā wero kua puta mai i te kawanatanga, mai i ngā rōpū tauira Pākehā hoki, ā, kia noho hāngai mātou ki te rere tōtika ki ō tātou koingo. Me hāpai tonutia tātou inaianei kia pai ai ngā tauira Māori, ōna whānau, ōna hapu, me ōna iwi katoa mō apōpō, kia whiwhi ai rātou i ngā hua pai kua puta mai i tēnei wa.
TESTIMONIALS.
Ana, ka tae ki te hui tino whakahirahira katoa o te tau, inā ko te Huinga Tauira (te take ka hoki mai taku tou ki konei). I te tau 2005 i tū te hui nei ki te taone paku katoa o te motu, i te tou rānei arā, ko Tāmaki Makaurau. Ā, ko tōna kaupapa, me kii, kei roto i tōna ingoa, ara, he Huinga Tauira Māori, mō ngā Whare Wānanga katoa o te motu. He hui tēnei hei whakangāhau, hei whakahihiri i ngā wairua, heoi anō, he akiaki i ngā tauira Māori i runga i te huarahi tika ki te panekiretanga o te mātauranga. Me kii, he hui whakawhānaungatanga i roto i ngā āhuatanga whakahirahira katoa, mai i te kōrero mō ngā take huhua o te wā, tae noa ki te korikorio te tinana i runga i te papa kanikani. He hui nui me tatu atu e ia tauira Māori o te motu. “Tahi raa” te mea pai, i te mea hei tēnei tau kei te tū te hui nei ki te tāone kapakapa nei i te manawa o te motu, ki Pōneke nei. Nōreira, mau tonu mai!
***
He mea tino angitu Te Huinga Tauira mō ngā tauira Māori ki te huihui mai i runga anō i te kaupapa i te whakaaro kātahi. Kia kitea ai e mātou ngā mea e orite ana ki ētahi atu whare wānanga me ngā kuratini. Nā ngā tauira e tae atu ki ēnei hui i hangaia ai i ngā whakahoanga hōu me ngā maumaharatanga mō te katoa o ō rātou oranga. He tūāpapa tēnei mō ngā tauira ki te whakaputa i ngā whakaaro i tētahi takiwā kei runga i te āhuatanga pai mā rātou. Nā Te Aira Nyman
Te Huinga Tauira is a National Tertiary Māori Students Conference held annually in conjunction with Te Mana Ākonga and hosting student associations. Te Mana Ākonga is the only national representative organization for Māori tertiary students.
This year, it will be co-hosted by Ngai Tauira, Victoria University’s Maori Student Association and WSA, Wellington Institute of Technology’s Student Association.
The purpose of the conference is to imagine possible futures and to formulate action as we forge ahead, to realise these dreams. The conference is a forum for discussion on current issues for Māori as well as local and national student politics. It is a platform for our future leaders to strive for success in their chosen field. The benefits of attending Te Huinga Tauira are educational, social and cultural. It is vital that we continue to concentrate our efforts in this area so that future Māori students, their families and communities may benefit from the transformative action we implemented in our time.
SEMINARS BEING HELD AT TE HUINGA TAUIRA
Te Tiriti o Waitangi – The face of Tino Rangatiratanga and Mana Whenua today.
International Tertiary Exchange – Hīkoi with or without a visa.
Ngā taonga tuku iho – Kei hea tātou?
Mana Tāngata – Wāhine mā, Tāne mā, Maranga mai, maranga mai, tū mai rā!
Mana Māori Motuhake – Shaping our future politicians.
Māori portrayal in the media – Mauri ora ki te chur!
Life beyond studies – Where are our qualifications taking us?
Life beyond sports – Hākinakina ki hea? (TBC)
Life beyond undergraduate studies – Dr who?
Te Pūtaiao – The road less travelled.
Māori in Business – Dollars and sense.
Te Hauora – Who is looking after whom?
Te Ture – Lore against law
Mātauranga – Unlocks the key to …
Architecture & Design – Building a bridge to the future.
Māori Economy – For the collective good.
Scholarships and grants – Getting the pūtea right.
Indigenous Creative Writing – Te Pūmanawa o te kaipō.
Other events include hīkoi, sports, Te Herenga Waka Marae 20th Birhday celebrations, Mystery Tour, entertainment, guest speakers.
NGĀ KAIPŪTEA TAUTOKO
Koinei te mihi maioha ki a koutou e ngā kaipūtea tautoko e kaha hāpai ana i te kaupapa mo te whakaaratanga i te iwi Māori me ōna tikanga.