Ka rongo koe i te koopae waiata `Hawaiki’, kaaore e kore ka moohio koe naa wai te reo waiata maeneene, te reo waiata e whakamauru ano hoki i te hinengaro. Ka mau te wehi ki teeraa o ngaa manu tioriori, ngaa kaitito waiata hoki, araa ki a Ruia Aperahama mo tana koopae waiata tuawhaa, araa `Tekau Maa Rua- Rua Tekau Maa Whaa’. Ka pai ki ahau teenei taaonga tuku iho mai i a Ruia. Pai taana hanga mai i toona ara puoro, hei rapu i te maaramatanga hei whakaohooho i te wairua, hei whakatoo whakaaro.
Tekau ngaa waiata i horahia ki runga i te koopae nei, aa, he ngaawari te katoa ki te taringa.
Kua tau te mana o te koopae waiata reo Maaori tino toa ki runga i te koopae nei i ngaa tohu waiata o Aotearoa i te mutunga o 2008.
I roto i te tekau, kua eke te koopae nei ki te waru.
8/10
www.ruia.co.nz
Ruia Aperahama
12-24 Tekau Maa Rua, Rua Tekau Maa Whaa