Home About

Nga Taumahekeheke a Rohe Ki Te Whanganui a Tara

Teurikore Biddle-Rangawhenua

Theatre

24/07/2006





NŌ TE 24 o Hune i tū ngā whakataetae ā rohe ki te Michael Fowler Centre. I muia katoa te whare i a Ngai Māori me te hunga e kaha ana ki te tautoko i ngā mahi a Te Rēhia, a Hineruhi, a Tānerore.
E iwa ngā tīma i tū i taua rangi ko Te Whānau a Apanui, Ngā Taikura o Te Whanganui ā Tara, Ngā Uri o Ngā Tai, Ngāti Pōneke Mātāpūputu, Ngāti Pōneke Young Māori Club, Ngā Taonga Mai Tawhiti, Pukeahu, Tūtemaungaroa rātou ko Te Whānau o Te Herenga Waka. I tutū te pūehu, haruru ana te whenua i te tīori o ngā reo, te takahi o ngā waewae, te pūtē o ngā karu, te ata āhua o ngā mātua tīpuna i rangona i kitea i runga i te papatūwaewae. Te mutunga mai ko Tūtemaungaroa, Ko Ngāti Pōneke, Ko Ngā Taonga mai Tawhiti i toa, ā, ka rere te huatau ko tātou katoa o Ngai Māori i wikitōria, nā runga anō i te mea i pāorooro te reo ki ngā tōpito o te rohe. Ko ngā āhuatanga ō nehe i whakatōkia ki te whatumanawa, i tā ki te kanohi hei moko, whaiā te pae tawhiti kia tata, ko te pae tata whakamaua kia tina!