Ko Ngā Tāura Ūmanga te rōpu e tautoko ana i ngā tauira pākihi Māori i te Whare Wānanga o te Upoko o te Ika–a-Maui. Ko tā mātou he tautoko i ēnei tauira kia eke ki te taumata, kia whakakīkī i ngā kete mātauranga.
Ko ā mātou whāinga matua ko te āki i te taha mātauranga, heoi he pou whirinaki anō hoki mātou mō a mātou tauira. Ko tō mātou aro he whai i te tohu pākihi ki te tautoko i te iwi Māori kia eke ki ngā taumata ikeike i roto i ngā angaanga pākihi katoa.
Koinei ngā pou o Ngā Tāura Ūmanga:
Whānaungatanga, Kotahitanga, Māramatanga, Manaakitanga, Manawanui, Ako, Tipu.
Ki te whakamana i ēnei pou, me whai mātou i ēnei tikanga:
Riro i ngā Kete Mātauranga: kia akiaki, kia tautoko i ngā tauira kia whai i o rātou ake pae tawhiti
Whakawhānaungatanga: kia whakatūria he pūnaha tautoko i ngā tauira ki te whare wananga nei, ki waho kē atu anō hoki.
Puna Tautoko: kia tiaki ngā minaka o ngā tauira ki te taha ahurea, whakapono me te mātauranga
Tū pakari, Tū Māia i te ao whānui: kia hangāia, kia ita te taura-here ki ngā tangata me ngā kamupene o Aotearoa, puta noa e ōrite ana ngā whāinga.
Mana Tangata: kia hapahapai i ngā tauira ki te whāngai iho i a rātou pūkenga me o rātou mōhiotanga ki o rātou whānau, hapū, iwi hoki.
Mana Motuhake: kia whakatairanga te reo me ōna tikanga ki ngā tauira, me te hāpori whānui o te whare wananga nei.
Manaakitanga: kia tu hei māngai mo ngā tauira.
Ka whai wā matou ki te tautoko i ērā tauira e hiahia ana ki te haere ki ngā wananga pakihi Māori, arā, ki Ngā Wānanga Ako, Te Huinga Tauira me te Te Hui a Tau mō ngā Kaitatau Māori o Aotearoa. Ko te tino hua o ēnei hui ko te whakawhanaungatanga me te honohono atu ki ngā mātanga kaitatau hoki.
Nau mai, haere mai e te iti, e te rahi; whakatau mai hei kaitautoko, hei kaimahi mo te kōmiti rānei!
Īmera mai: ngatauraumanga@gmail.com
Whai mai i a NTU mā runga i a Pukamata (Facebook): Nga Taura Umanga – VUW Maori Commerce Students’ Association
Noho ora mai whānau!