Rebels
E rangona whānuitia ana te kupu whana (rebel) i ēnei rā. Hei tā ētehi, he wairua kino tō te kupu nei; hei tā ētehi atu, he wairua pai. I whakamāramatia ngā whakaaro rā e te whakataukī e whai ake nei: “someone’s terrorist is another’s freedom fighter.” Ko tēhea te taha tika? Ko tēhea te taha hē? Nā wai te mana kōwhiringa? Nāu anake. Mai i tōu ake tirohanga te whakaaro tika.
I te tāhuhu kōrero o Aotearoa, i puta mai te mahi a te whana i te kōpū o te aupēhitanga. Ko ngā manu e rua, arā ko Te Whiti-o-Rongomai rāua ko Tohu Kakahi ētehi o aua whana. He tāngata whai mana rāua, he tāngata whakapono. Nā rāua ngā mātāpono o te Atua i whakapūmau i roto i Parihaka. Ka whakatinanatia ēnei mātāpono e ngā raukura e toru: kororia ki te Runga Rawa; maungārongo ki runga i te whenua; he whakaaro pai ki ngā tāngata katoa. Ko tā rāua tino whāinga, ko te patu hoariri ki te rangimārie.
Ki au, ko rāua te taha tuarua o te whakataukī e runga ake: freedom fighters. Hei tā te Kāwangatanga, ko Te Whiti rāua ko Tohu te taha tuatahi, ngā terrorists. Nā Te Whiti rāua ko Tohu te ture Pākehā o te motu i whakararu; kua pakaru haere te ture rā i a rāua. Ki tā Kāwangatanga tirohanga, he mahi tūkino te mahi ki roto i Parihaka, ahakoa tonu he mahi aroha. E rua ngā taha, engari kotahi te mana. Ahakoa, ko te Rangimārie te patu o ngā Manu, ko te Whakarekereke te patu o te Kāwanatanga.
Maumaharatia ki tēnei, e hoa mā: kia areare mai ō koutou ngākau ki ngā whawhainga o ētehi atu tāngata. He maha ngā taha o te whare, pērā i te tangata. He whana tātou.