Mai i tana koopae tuatahi i te kura o Hato Hohepa, i moohio tonu koe aa toona waa he reo teenei ka puta ka raangonahia e te ao whaanui.
Naa wai raa ka puta mai ko tana EP – ‘Maisey Rika’, kua rangatira te ao puuoro, te ao Maaori hoki i teenei manu tioriori, teenei wahine puurotu. Ka whakarongo atu koe ki ngaa waiata, ki ngaa kupu o te waiata, ki te rangi, kua oho mai ngaa whakaaro, aa, tangi mai ana te reo o Maisey, me te mea nei e pooteretere haere nei koe i runga i te kapua. E moohio tonu ana koe, he wahine huumarie, he wahine e ngaakaunui ana ki toona taha Maaori ki toona whaanau, koiraa te aahua i kaha te puta mai i roto i aana waiata, engari he waiata ka taea e te tini ahakoa Maaori, Pakeha aa wai ake te whakapaa atu me kii he waiata mo te ao katoa.
I roto i te tekau, kua eke te koopae nei ki te waru.
8/10
Tirohia te paetukutuku maiseyrika.com