I tērā tau, i whakatūwheratia tā mātou roopu Māori “Kia tika te āhuarangi” arā ko “Natives for Climate Justice”. He rōpū mātou mō ngā kaiwhakatūtū Māori e whai ake te ara o te tika, o te aroha mō Papatuānuku rāua ko Ranginui. Ka huihui mātou ki te ako i ngā pukenga e pā ana ki te whenua, te taiao, kia pai haere tā mātou mahi kaiwhakatūtū. I tū ai tā mātou wānanga tuatahi i tērā Hakihea mō Te Rā o te Mahi mō te Āhuarangi ki Pōneke. E toru ngā rā i hui ai mātou ki te marae o Tapu-te-ranga. Ko te kaupapa, ko te whakarite hangi-mau-rongo, arā ko te whakatikatika o te mahi o te hangi. I whakamahi mātou i ngā kai, i ngā rauemi e whakaorangia ai e mātou, Papatuanuku rāua ko Ranginui hoki. I hokona te hangi-mau-rongo ki te taurima mō Te Rā o te Mahi mō te Āhuarangi ki Pōneke. Kua mahia tō mātou mahi ki te whare wananga hoki; i te timatanga o tēnei tau o te whare wānanga, kotahi rau rua tekau ngā rākau Māori, arā ko te Tōtara, ko te Rimu, ko te Kahikātea, i whakatōria e mātou ko ngā tauira. Mēnā, kei te hiahia ngā tauira ki te mau i ētehi rākau ki te kainga, ka taea. Kua wānanga anō mātou i te Haratua, ki te pāmu o Papawhakaritorito ki Kaitoke. He wānanga tēnei kia mahi tahi tātou katoa, Ngāi Māori, tauiwi hoki. He maha ngā momo pukenga e akona ai e mātou ki te wānanga. I whakaakona e mātou te kawa ahuwhenua o Rudolf Steiner, kia hanga pū wairākau. I akona te mahi o ngā taputapu Māori mō te ahuwhenua e Kane Manakura, tētehi o tā mātou roopu. I haramai hoki a Moana Jackson, he rangatira o te ao ture, hei whakatakoto te kōrero whakaawe e pā ana ki te mahi of te kaiwhakatūtū.
Ā tō mātou wā, ka hui anō mātou. Ā te mutunga o Whiringā-a-nuku, ka tae mai ngā rangatahi tangata whenua nō te Moana-nui-a-Kiwa, nō Āhia hoki, ki Te Papa-i-oea ki te hui mō ngā take e pā ana ki te āhuarangi.