KAPIRIKOONA – Nanekoti (nei nei nei)
He tangata koe kua mau ki nga wa o nehe. Kuti i o huruhuru na te mea he ahua weriweri te ahua! Hokona etahi kakahu hou a, putaatu ia po i tenei wiki ki nga karapu!
AKUERIETE – Wota poi/Wota kio
Ko koe te pahu! He paparewa to hanga, he nui o uaua, he tou kohatu hoki tau! Noreira kaore e kore i tenei wiki ka tino aro nga tangata katoa ki a koe! Tera pea ka tutaki koe ki to hoa wairua, hoa rangatira! Kaore e kore ka marena korua! Ka wikitoria hoki koe i te ipu o Jack mo te $3,000,000, ae poi. Haere ki te taunga waka rerenga ki te hoko i tetahi tikiti ki Greece. Kaua e whakapai i te whare waiho ma o hoa tera mahi e whakatutuki!Koira te ahua o to matou roll!
PAITI – Te Ika a Maui
He nui o ngutu na te mea he ika koe! He ngutu nui aau ki te amuamu, ki te pahupahu, ki te whakatete, ki te mitimiti hoki i nga tou a to hoa riri kia riro ai koe i nga hua! Me haere koe ki te kaukau ki roto i te moana, kua roa nei koe e painaina ana koe ki raro i a tama nui te ra, e hika, kei te ahua maroke to kirimi. Hokona he kirimi whakamaua, a, haere ki te kaukau.
TOORO – Ko te Puru no Tuhoe
Aue! He tangata whakatutu puehu koe! Ka tiro atu koe ki tetahi tangata, ka hee o whakatau mona, katahi ka timata tetahi taupatupatu ki waenga i a koe me nga tangata katoa huri rauna i a koe. E hika! Me haere koe ki te tiki whakaaio riri ki te taha o to hoa a Mike Tyson! Hoki atu ranei ki te kainga o te riri, ara, nga wharua o Ruatoki!
EERI – Hipi whai hoona
Koira to ahua, na te koi o o hoona kua rewa mai koe hei tangata tukituki tangata! Ia po ka moemoea koe, i roto i to moe, ka moemoea hoki koe ki roto i o karaihe! Kaati te puta i nga poo ki nga karapu hoki! Koira te take ka haere reiti koe ki o karaihe! Kia tupato kei moe roa koe i te ra ka whakamatautauria to karaihe! E oho Eeri! He koretake koe! Kua roa nei koe e moe ana, e oho kare, e oho!
TEMINAI – Nga Mahanga
He ahua haunga to kakara! Me haere koe ki te horoi i to tinana me te whakamau i tetahi kakara reka, a Lynx, a impulse ranei! Hoatu etahi o o putea ki tetahi tangata e noho rawakore ana! Hoatu hoki i etahi o o putea ki te hunga e mate kai ana ki rawahi. He wa pouri tenei mou engari ma te whakarongo ki nga korero akiaki a tetahi atu, ka harikoa ano koe!
KAANATA – Papaka a.k.a kutu
Kati te rakuraku i o keke he tino rite to ahua ki te makimaki! E hoa kaingia he panama, kia tino tino tino rite koe ki te makimaki! Tera pea me hokona koe he kirimi hei whakamate i o kutu e papaka!
RIAU – Raiona a.k.a Muwhata no Raiona Kingi
Kaati te auare, kei whakaturi koe i nga taringa o era huri rauna i a koe! Kaati hoki te amuamu, te pahupahu, te whakatete hoki ki to teina! Hoki atu ki te ngahere kia purea ai koe e nga hau o Tawhiri! Haere ki te tiki i to raihana e raiona! Raaaaa!
WHIEAKO – Nga Puhi no te Taitokerau
He tino ataahua to wairua, to ahua hoki! Kua roa te wa e makariri ana to moenga! Kua tae te wa e hoa! Me puta atu koe i tenei wiki ia po, ia po! Haere ki te karapu o LAB! Whakapou o putea, me o werawera katoa! Engari kia tupato kei ngaro koe i to puhitanga!
KOPIAU – Pungawerewere whakamate tangata
E hika e! Kaati te whai haere i tera tangata kua hopukina i to ngakau! Me mutu enei mahi whaiwhai, kei te tino rite ki te whaiwhai pihau! Aua atu tera tangata e whai ana koe! Kaore ia i te rata atu ki a koe! Huakina o whatu kare! Haere ki te LAB tera pea ka tutaki koe i to hoa wairua!
RIPARA – Tera wa o te marama
AUUUUUE! He tangata tino pukuriri koe, tera pea me haere koe ki te whakaaio riri! Ia ra ka pukuriri koe mo te kore noaiho, tera pea me puta atu koe i tenei po ki te inu maaro! Ma reira ka marie ke to wairua! Kaore tenei he wa pai mou, kei te pouri, kei te riri, kei te mangere haere hoki koe! E oho! Hoki mai ki te taiao!
TATITEERIETE – Hawhe hoiho, hawhe tangata
E rua o kanohi! He rite to kanohi tuatahi ki teera o te kararehe toka tu! Ka mutu ko to kanohi tuarua he rite ki tetahi momo kararehe no tetahi ao kee, no Parearau pea. Whakatika i a koe ano, haere ki te takuta ki te whakatika i to ahua anuanu! Haunga ano enei ruakitanga! Haere ki wawa ki wewe ki wowo ki wuwu ki te hararei kia parauri haere to kiri.