Kia ora koutou katoa i tuku pātai mai ki ahau, ki a Mū Ramura mō ngā ahuatanga o ngā mahi o te pō. Māku o pātai e whakautu, māku o āwangawanga e whakatau!
Whai whakaaro mo te whāngai:
Nō te Pōhoroi kua pāhure, ka tūtaki maua ko tētahi tama, a Peta, i runga i Tinder. I tipu ake a Peta ki Ahitereiria engari i Porirua ia mō taua mutunga wiki noa iho. Moe tahi maua i taua pō, mate kanehe ahau ki a ia. Nō te Rātapu ka hanatu ahau ki te kai tahi i tōku matua kēkē (te tunganē o tōku māmā) kua hoki mai i tāwahi. Ka tau au ki te kainga, ka haramai tōku matua kēkē, ā, he tama i tōna taha… ko Peta! Ka whakamārama mai toku matua kēkē ko Peta tana whāngai. E tata mate ana ahau i te whakamā. Me aha ahau?
— Nā Kotiro Kutekute
W: He nui ngā tūmomo mate kei a koe, e Cersei… whoops e Kō! Hei aha ngā whakaaro a ētahi atu. Whai i tāhau e manakohia ana. Mena ko Jaime… whoops Peta tēnā, hei tā ngā tīpuna he pai tonu te moe whanaunga kia noho kotahi ai te whenua i roto i te whānau, kia kotahi tonu te iwi o wa kōrua tamariki hoki. Kia mataara e hine!
Hoa horomiti hoha:
Ao te pō, pō te ao kei ngā whārangi ipurangi o ‘redtube’, o ‘pornhub’ taku tino hoa e mātaki whakaaturanga ana. Kāore au i te mōhio me aha au kia puta ia ki te ao mārama. He tama takatāpui a ia, ā, he wahine ahau. Kāore a ia e pirangi ki au. Tohua mai tou atawhai, e Mū!
— Nā To Hoa Aroha
W: E rua aku whakatikanga, e hoa. Tuatahi: Ivy i te Pōmere. Ki te kore, ko te tuarua: Tākuta. Kia kaha e hika!
Ngārara ngaro i te Wao:
Tēnā e Mū, kua rua tau māua ko taku hoa wahine e noho piri ana. Nō ngā marama tata nei kua waiho ia kia tipu kia mātōtoru te wao o raro. Kare au i te mōhio me pēhea taku kī atu ki a ia kia heua taua wāhi rā. He kupu āwhina wāhau?
— Nā Tāne Mahuta
W: Ae. E rua aku kupu awhina ki a koe: E kai! Arā hoki te kōrero a ngā tipuna ki a tātau “E mua kaikai, e muri kai huare”. Ki te kore taua wāhi rā e kaingia e koe, taihoa ake ka kaingia e tētahi atu.
Ka mātua i konā, e hoa mā! Mo te tau tītoki kōrero tahi anō ai tātau!